|
|
|
|
Atle Hansson
(f. 1971) heldt på å bli journalist, men fann ut at han
kunne livnæra seg av å teikna illustrasjonar i staden.
Det har han gjort dei siste åtte åra. Inntil nyleg var
han fast tilknytt Bergens Tidende som teiknar og
BT-lesarar vil kanskje dra kjensle på nokre av
illustrasjonane på utstillinga.
Utdanninga si har Atle frå Ecole des Beaux-Arts de Sion i
Sveits, men sidan han lærte meir om måleri og skulptur
enn illustrasjon er han sjølvlært som illustratør.
Sidan alle illustrasjonane, i større eller mindre grad,
har fått seg ein omgang i datamaskina før dei vert
publiserte, er utstillinga sett saman av utskrifter av
datafilane han sender kundane sine.
Atle har tidlegare vore med på kollektivutstillingar i
Sveits, og stilt ut måleri hos Wendelboe i Bergen. I 2007
vart han handplukka som ein av dei norske deltakarane på
avisteiknar-utstillinga Karicartoon i Leipzig (Tyskland).
Atle er elles forfattar av "Frilans! En komplett håndbok
for frilansere" og driv nettstaden Frilansinfo.no
Illustrasjonane hans kan du sjå på www.illustrasjon.net
|
|
|
