|
|
|
|
Hans
Ingebrigtsen (f. 1941) er teiknaren og formingslæraren
som etter kvart utvida repertoaret til akvarell og akrylmåling.
Han har alltid teikna, og fekk høve til å dyrka
interessa for dette under utdanninga på Lærerhøgskolen
i Forming på Blaker.
Inspirasjon til å utvida og vidareføra målinga fekk
Hans ofte av elevane i formingstimane.
Utstillinga viser eit lite utval av alt han har produsert
opp gjennom åra. Tidlegare har han berre vist måleri og
kulisser i samband med tilskipingane under Fritio i Os,
pluss nokre få dekorasjonsarbeid her og der. Blant anna
er to av måleria hans frå gamle Osøyro å sjå i
vindauga til Sigurd Tvedt i Sentrumskvartalet.
Som pensjonist har Hans brukt meir tid på hobbyane sine,
og er no klar til å debutera som utstillar. Teknikken er
akrylmåling på lerret eller plate.
|
|
|
